Þú vilt 'ann

Ég er staddur á órannsakaðri plánetu í leynilegu sólkerfi og er að rembast við það að finna mér nýjan bíl eða jeppa. Verður eiginlega vera jeppi með krók!
Ég er nefilega eiginlega nokkurn veginn búinn að finna mér fjórhjól :-)
Ef það eru einhverjir fleiri þarna úti, aðrir en Kári sem er eini lesandinn minn eða allavega sá eini sem commentar eitthvað, sem vill kaupa bílinn minn endilega látið mig vita.
Þetta er bíll með sál. Ég er þriðji eigandinn og það var einhver gömul kerling sem átti hann fyrst og svo mamma hans Kára sem ég veit að fer vel með bílana sína og svo ég.
Við erum að tala um Campain Gold á litinn Renult Laguna 1999 - 2000cc vél, sjálfskipur og fullur af ást, höfðuðpúðum, hamingju og skottplássi.
Hann er bara ekinn 96 þús sem þykir ekki mikið fyrir 7 ára bifreið.
Það er eiginlega rugl að selja hann, tými eiginlega ekki að selja hann! Uhhh getur þá einhver lánað mér fyrir jeppa? Ég lofa að borga seint og illa.

Kárablogg

Bloggið hans Kára er þanning að maður verður að lesa það reglulega.
Nú er hann búinn að segja frá því að hann er í Indlandi og á í erfileikum með að blogga jafn oft og hann gerði. Það er svoldið eins og þegar mogginn kemur ekki á morgnana.
Maður er alltaf að kíkja.

Ég er hundur í hávöðum og finn ekki miðjuna í sjálfum mér.
Ég er alltaf að tala um að ég ætla ekki að vinna svona mikið eða "þetta er bara smá tímabi!".
Je je frábært hjá mér. Í hvert sinn sem ég tala um þetta vinn ég bara meira.
Tíminn líður alltof hratt. Mér skilst að sumarið hafi komið á laugardegi í ár.
Ég bara missti af því.
Minnir mig á það að ég á ennþá inni helminginn af sumarfríinu mínu.
Ætli maður taki það ekki bara um jólin, þá er ástin mín í fríi frá skólanum.